/p. 392/ tamen Luciano debemus, qui illorum nebulonum
figmenta posteris patefecit. Alex. – Quaeso aliqua
ex eius libris enarra. I. C. – Luciani opera in
meo Musaeo sunt. Ad te deferenda curabo, tuquemet
ipse solus pellegere poteris. Alex. – Gratias
tibi ago ingentes.
DIALOGUS LIII.
De Sibyllis.
Alex. –
Finita oraculorum disquisitione,
videamus quomodo Sibyllae
futuros rerum eventus praedicebant.
I. C. – An e corporum coelestium,
quibus tanquam instrumentis
ad mundi regimen Deus utitur, inspectione
atque contemplatione? Ita quidem
aruspex Spurinna admonuit Caium Caesarem,
ut caveret periculum, quod non ultra Idus
Martias proferretur. Iulius Marathus, antequam
nasceretur Augustus Caesar, ita vaticinatus
est: «Natura cito pariet Regem populo
Romano». Sic Publius Nigidius, accepta
eiusdem Augusti genesi, orbis Dominum natum
esse affirmavit. Sic etiam Scribonius Tiberio
Regna praedixit. Sic idem Mathematicus
eidem Tiberio denuntiavit Galbam aliquando
imperaturum, cum tamen Galba ex Aeneadum
familia non esset. Eadem ratione Seleucus
Astronomus Othoni Caesari, superstite
Nerone, promisit imperium. Sic genethliaci